大家千祈唔好去金x假期(信x中心閣樓M33室) BOOK 渡假屋呀，呃人架，完全貨不對辦。

之前我同我d親戚一共6個人諗住去長洲玩，咁由於而家係暑假既關係，怕多人BOOK渡假屋會full哂，所以我同我呀姨就預早去信x中心度BOOK定先，原本我地去左另一間諗住BOOK架，點知已經FULL左，於是我地就入左呢間黑店"金x假期"度BOOK，佢同我地講話其他屋都FULL哂，得番兩間屋在長洲金x中心2B1,2B2，有4張床，仲比埋D相我地睇，咁我地睇過都覺得OK既，不過我地都諗住再去其他舖頭睇下先再作決定，但係佢地就同我地講話我地再番黎既時候就未必有架喇，到時連呢兩間屋都無埋就唔關佢地事，咁我地聽到咁就梗係驚真係無喇，於是就決定BOOK左呢兩間屋，之後佢仲話要我地比哂全數添，咁我地亦唯有比哂全數$1,100喇。

跟住星期六我地一行6人入去長洲旅行就當然係興高采烈喇，拎左鎖匙之後，就去左那兩間渡假屋，一開門D蚊就飛哂出黎，仲有陣酸臭味添，入到去睇仲慘，每間屋都唔知有無100呎，仲要得1張床，個廁所同廚房又鬼死咁污糟，D燈有D又開唔著...!!! 我地發現貨不對辦，當然打電話去信x中心度搵人理論喇，點知那個女人聽到我呀姨打電話去投訴之後，竟然同我呀姨講話間屋係咁架喇，有本事咪去警局投訴囉，駛唔駛比埋警局電話你，講完之後仲CUT埋線添...!!!

原本滿心歡喜既旅行即刻無哂心情...最衰就係我唔記得影低間屋既相喇...如果唔係就可以比大家睇下係點差法...間屋完全地係好似好耐無住過人咁...!!!

激死我喇...間屋同佢地比我地睇既相完全唔同囉...!!! 希望大家都唔好比佢地呃到...!!!  

[ Last edited by pupils789 on 2008-8-12 at 09:47 AM ]