周日沙田鴛鴦地八草兩泥賽事，草地用B跑道，天文台預測大致天晴，估計掛牌與開鑼戰一樣為好地。
草地：睇番上季9月16日第二次田戰亦是用B跑道，當日大利中內檔前領馬，八匹頭馬全部排七檔或以內，當中「開心陶寶」、「財運」、「雙龍出海」、「金獅威將」及「名舵主」快放贏馬，另外「喜勁駒」及「福譽」守前領馬之後貼欄包廂位建功，留後追好蝕底。
馬匹：頭場「開心陶寶」及六場「福譽」正是於9月16日田B欄贏馬，再揀同日賽事上陣當然希望重溫好夢。此外，尾場「好好機會」兩次角逐田B欄獲一亞一殿，均速馬又可賺形勢。

泥地首戰跟前有拼勁
泥地：上季首次跑泥地亦係9月16日，當日兩場泥地頭馬「拼勁」及「愛寶駒」分別快放及守前領馬之後建功，前駒列陣第四場泥地賽，值得優先留意。




來源:蘋果日報網站