錦田古蹟!
有時間去行下都好架!











[ Last edited by 小白貓 on 2007-12-14 at 01:26 AM ]

唔!. . . . .  好介紹! 但對石屎森林人黎講, 都唔知係邊度, 如果有個位置圖示就最好了, 起碼可以找到目的地位置而選搭到巴士/鐵路丫嗎! 否則都唔知乜頭乜路!!

我找到了! 係唔係呢度?

嘩!又有得加分多謝哂!!!!!!

scau 兄,聽講[廣瑜鄧公祠]是以前鄧氏家族其中一個祠堂,有三百幾年歷史(我都係聽講,最好自己去睇下),已列作古蹟,假日開放,裡面還保留了許多鄧氏祖先的神位,為免打擾各鄧氏先人所以我沒有拍照.地點可選坐西鐵在錦上路站下車步行到錦田[蒙養小學],個度有路牌去[水頭村]沿著路步行要經過二條橋,唔識可以問下村民,我一個人去到[蒙養小學]沿著路行,行左差不多一個鐘,我曾經一度迷途唔知行左去邊,個度治安好好架,我諗係冇人夠胆在鄧氏家族條村搞事掛!陌生人入左條村都會有村民留意到的,好安全!
坐巴士就去到大欖隧道[三號幹線]下車轉乘巴士 251M ,去[蒙養小學]下車,然後步行,有些人是參加團坐旅遊巴去,我選擇自己行,幾好架![二帝書院] [ 樹屋] [廣瑜鄧公祠] [ 便母橋 ] 都集中在附近,有時間再去下祠堂村 [紅磚屋 ] 啦!
記得要選假日,平時有些景點係唔開放的!

SCAU 兄,我知你收埋收埋好多靚相,得閒放上黎啦!!!!!

[ Last edited by 小白貓 on 2007-12-4 at 12:10 PM ]

叻仔!!搵埋地圖!!!!
係呢度啦!!!!去啦!(紅磚屋星期五至星期日開放)
抵讚!!!!

你都知呢度 D 年青人唔多喜歡睇相的, 會話好悶, 為免悶親佢地以及影響佢地的情緒, 仲有可能捱鬧添, 都係留番自己得閒開黎睇下, 回味一下當時影相時的情景, 有時會尾尾咀係度傻笑架, 好似個癡線病又發作咁架!

其實我每次去濕地都經過呢度架, 但搭果條巴士線係果度冇站, 所以冇去過睇, 每次都諗住下次去時轉第條巴士線去啦, 但 . . . 人的記性差左.... 每次都唔記得 . . .!

[ Last edited by scau on 2007-12-4 at 12:09 PM ]

SCAU 兄,唔係全部年輕人都唔鐘意睇相的,有D鐘意架嘛!!!
點會有人鬧人架?唔鐘意佢地可選擇唔睇或睇完唔回,應該唔會嘅!唔好留番自己睇先得架!重要係尾尾笑個隻...放 D 相上黎啦!

原來你周不時坐巴士經過,錦田附近冇埋由冇站架?如你在錦田下車步行去有D景點應該好快到達,大約半個鐘左右,如去紅磚屋重快10分內鐘可到達!

我的幾部 DC 的全部相片都放哂係個 HDD 內, 積存有3900到啦(11G), 有好多都是隨手影的, 但有好多係刻意去影的, 甚至扒係地下影的都有, 好多係垃圾相黎的.

去濕地坐果架係 969 一路過哂幾條隧道後才有站, 差唔多到左天水圍了, 所以冇緣 . . . . . 一定要另找路線才可以到達, 又或者到天水圍後再轉輕鐵接駁才可以到, 但去完濕地都唔記得左了.

嘩! 11G 咁多相,隨手影 D 相好正架,動作自然,重扒係地影好專業,我都未試過扒係度取景,放 D 上黎睇下啦!一定好有趣的.

969 條線唔係咁清楚,咁你有機會去睇下啦!!!!

其實扒係度影相都唔係話乜野專唔專業既, 有時要影得效果好一 D, 但位置又太高, 而是就會好似呢位仁兄咁黎影啦, 其實我都想咁影, 但人老了, 隻腳唔聽洗, 呢個動作耐了會起唔到身的, 所以就要扒係地下仲低 D 黎影啦!

呢幅相係扒完地下後都未見佢影完, 我走到對面岸偷拍了的, 哈哈! 好在冇走光!