2008-8-16 03:00
panda蔡妍
唔知post係呢度岩唔岩^^
唔岩的話,請版主刪除吧^^
7月尾我去左深圳睇佢表演^^
自佢第一次來港後,已經有54日無見過佢.無諗過佢會記得我無期望過d咩
只希望睇佢演出,因為呢次係我第一次現場睇佢表演
25日去到深圳,係機場會合其他歌迷,
大家都好照顧我,而且佢地大部份人都已經見過蔡妍好多次.
等到12點既,我地親愛既女人出來啦!!
現場50多人接機,我其實一開始見到,個心都有d慌
因為係香港睇開其他歌手來港,都係好亂,個個為左親近自己偶像
都衝埋去.但其實我比較愛靜靜地望著佢^_^
結果一d都唔亂,大家跟係佢後面.有人影相送禮物,其餘既都係靜靜地望住佢.
佢就不停揮手不停笑不停講"你好",因為大家安排左我幫手影相
所以我企左係佢隔離,我首先送左禮物比佢先~
袋禮物入面有好多零食仲有信同埋米妮公仔.
送比佢果時,佢講左句韓文既多謝,跟住我微笑就擰轉頭諗住行前d影相,點知佢望住我同我講左句超卷俐既thank you:D
哈哈,好好笑嫁xd
然後佢繼續行,佢好細粒但佢對高錚鞋超級高(請看圖),突然行行下
有歌迷踩到佢,佢差d向前仆.但佢........擰轉頭同個歌迷講
"sorry!!" 佢知唔知sorry點解呢?xd
然後送佢入𨋢,我地就去2樓等佢,一上到去
原來佢去左洗手間.一出唻見到我地快過佢.佢扁嘴加dum地
哈哈,好似小朋友!!!完全唔30歲feel.
一路陪著佢行去停車場,突然間佢望左我鏡頭一眼,然後笑笑口快步行去經理人隔離,然後轉身指著我,話佢認得係香港見過我*V*
開心到想尖叫xd 跟住佢就上車去酒店.
而我地亦返酒店休息.
待續~~2樓
2008-8-16 03:07
panda蔡妍
7點多,我地一大班歌迷企係場地門口排隊入去
係一間disco,點解佢會去disco唱歌?原因係..中國公司其實唔係想幫佢提升係中國既知名道,而係想用佢唻賺錢.
然後企到大約12點,女人出來啦!
一開場係兩個人,然後同我地傾幾句,再唻愛人然後my love remix.
跟住同我地玩互動,MC問我地有咩同佢講.
有人唱改詞版so hot,跟住佢竟然跳so hot~xd
之後有人講韓文我愛你,女人做埋動作用中文講"我愛你"
全場尖叫xd 然後MC又問,覺得深圳女仔靚唔靚?
女人話,現場好像男仔比較多.
MC就話真聰明!咁快帶到去話題啦,咁你覺得深圳既男仔靚唔靚仔?
女人話"點解我要話佢地靚仔?"
哈哈,個MC呆左xd
然後女人再唱愛情感覺,危險的演出同埋安可曲一個人就走lu~
我地亦回酒店訓覺~
呢一日女人其實感冒,佢係台上不停咳
好心痛T^T
待續~~~3樓
2008-8-16 03:52
panda蔡妍
26日早上,突然morning call
話女人想同我地傾計,8點30大堂等
超激動彈起身超快速整理好哂就衝落去
大堂已有8,9個歌迷係度.大概8點15,就差唔多26個人啦
女人準時8點30落到唻,話坐係沙發同我地傾陣計
我企個位唔係好望到佢,所以我行佢對面張沙發後面個位企.
雖然遠但望得清楚.佢望到我然後V手比我影相*V*
佢問邊個係坐最耐飛機or火車來見佢,有人話40個鐘頭火車
佢即刻拍手掌講謝謝xd
我拉我媽咪過唻,然後揮手叫"onni(姐姐)" 佢亦同我揮手
我指著媽咪話"eo meo ni(媽媽)" 女人即刻點頭微笑
然後開始介紹我媽咪比翻譯識xd 佢話係香港機場既禁區入面,我媽咪同佢合過照,然後晚上去到酒店先知原來係我媽媽
佢好多動作講得好激動xd 然後突然間企係女人沙發後面,其中一位歌迷既媽媽指著自己講"eo meo ni"又指著我媽媽講"eo meo ni"
我諗佢意思係話自己都係媽媽輩,點知翻譯誤會左,以為我媽媽係佢媽媽
即刻翻譯比女人聽,佢聽到O哂嘴,然後指唻指去問"eo meo ni?eo meo ni?" 哈哈個樣好可愛!!!
解釋清楚後,女人個樣舒服哂xd
過左陣,我daddy食完煙返唻.翻譯指著話"啊!a bba!" 女人即刻擰過唻,一望到我爸爸.....
講真,我未見到歌手會咁樣,佢唔係新人,係韓國已經算紅,但仲咁有禮貌唔大脾真係好好.
佢一見到我爸爸,即刻企起身鞠躬講你好然後揮手微笑.
講緊果度唔止我一家人,仲有其餘20幾人.
呢個女人,我無後悔愛佢.
傾多陣,女人就話同我地合照.歌迷帶頭果個就話分7個組
突然女人同翻譯講野然後指著我地.跟住翻譯話,蔡妍想同你地一家影一張
因為佢好感動同好感謝我地一家唻支持佢而且好難得
我就問,可唔可以用我部相機,突然我feel到左手邊有舊黑影,我望下
原來女人靠左過唻.仲烏低身睇我部相機xd
然後我地一家就合左照*V*
跟住我行過去問翻譯,你真的記得我韓文怎樣說?
我普通話可能真係太差.翻譯聽唔明,我講第2次既時候,佢仲話panda?
跟住我左手邊個黑影又靠左個頭埋唻,個樣係想偷聽咁xd
之後翻譯身後既經理人哥哥就講左幾句野,翻譯就話你單人影一張吧.
個心差d停左xd 雖然唔係第一次影單人合照~
跟住女人搭住我膊頭,我掩嘴烏低身笑xd 女人....女人用中文話"好可愛!"
天啊!!!!然後我企返好,佢又搭我膊頭
我又認唔住興奮既心情,再次掩嘴烏低身笑
今次女人爆笑左出唻,然後打我膊頭再笑住講左句韓文xd 叫我唔好再緊張xd
終於影完.我轉身同佢鞠躬,佢又同我鞠躬.
跟住到其他歌迷分組合照.
我去同翻譯傾計,我問佢女人有冇食我送既零食
佢話噚日見到仲大大袋既,今朝搵佢既時候,袋野已經無左一半xd
跟住因為睇演出前我買左許留山比女人食,係芒果西米露
我問翻譯女人有冇食.翻譯話,女人一表演完返後台見到
問都冇問係唔係佢既就自己一個食哂xd
後來女人走lu,同我地hi five.我媽媽都伸手同佢hi five
佢見到之後kaka聲咁笑xd
我同佢hi five完之後,我前面個人同佢握手
我嗚嗚嗚咁叫,跟住佢望住我笑xd 我伸隻手出唻,然後佢返過唻同我握手xd
跟住佢上左車,因為我唔送機其他歌迷都送機,所以佢地衝走哂
我諗住同埋女人講byebye先走~佢一路望住我地,我一揮手佢就揮手xd
但好耐佢都唔走,原來佢口渴想飲水.佢助理幫佢入酒店拎水
然後我地就企係佢間車旁邊同翻譯傾計xd
突然佢較低車窗伸個頭埋唻問我地傾緊咩xd
我就叫翻譯問佢芒果西米露好唔好食,佢話好好味,佢最鍾意食水果xd
然後我話,今年會唔會唻香港? 翻譯一講完佢點頭我以為話會xd
跟住我笑左出唻,之後佢指著我笑(類似咁xd
[img]http://i37.tinypic.com/1vvra.jpg[/img])
翻譯話有機會但未計劃好xd
後來佢做drive既動作問我地係唔係自己drive過來.媽媽話唔係
女人伸兩根手指出來問,坐車係唔係兩個鐘?
媽媽答係,女人就賴叻咁話自己都知xd
跟住我一舉機影相,女人就配合地舉V xd
後來佢走就同我地講byebye lu~