2007-12-21 13:32
鋼之風水術師
有一位女網友來信, 內容如下:
女, 西曆1966年11月29日零辰3:00 出世,出年是鼠年, 與我相沖, 是不是很差呀, 今年已經很多變動在公司, 不見得對我有利. 姻緣從來也沒有, 是不是一個人終老.
先睇下八字
時 日 月 年 大運: 57 47 37 27 17 7
壬 壬 己 丙 癸 甲 乙 丙 丁 戊
寅 辰 亥 午 巳 午 未 申 酉 戌
尼位朋友, 尼年覺得變動對你不利 運濟D, 是因為07年是水的年份, 與08年都一樣是水年, 所以08年會同今年都差唔多. 但總括尼講, 閣下乃大富大貴之命.
壬人月祿 身強, 天干地支全為喜神 財官通根有力, 地支多合 化喜神, 大運全臨喜神地.
閣下現在應該已經有一番作為 有一定地位, 而現在只不過是開始, 未來會更上一層. 閣下2001年前可能會辛苦少少, 2002年開始行財運升職(官)運 行成世 每事都順利好多, 只不過07,08年是水的年份 較為不利. 其實我認為閣下會自己做生意, 閣下絕對有條件做自己生意.
十二流年一周期 一定有少少起趺, 每逄豬鼠年會濟D, 其次雞猴年.
至於閣下姻緣, 你日坐華蓋. 華蓋者 乃天上孤高之星宿. 是閣下的對象覺得你高不可攀. 亦見你 夫星七殺為喜, 你婚姻對象年齡可能會係大過/細過你七年以上, 不知閣下有否先入為主 心裹拒絕了這些男性? 不過都可能係你要求高播, 夫星七殺亦代表你丈夫克服到你, 咁試問你咁叻 丈夫仲要叻你好多 世上有幾多個? 不過, 又唔代表冇, 向好方面諗 要找到最好 一定係要慢慢揀.
祝閣下找到美好姻緣!
2007-12-29 18:32
鋼之風水術師
大家 好耐冇見!!!
有一位朋友, 問我他的運程
"我想知有什麼[号數],[顏色],[生肖][五行]旺我?我忌什麽[生肖],[号數][顏色][五行]呢? 事業如何呢？
個人運數[行運歲數]係邊年呢?
我剛創業,是機械類別,明年2008年 要守還是進攻呢？
有咩要注意呀?
多謝大師指點"
先睇睇八宇
時 日 月 年 大運 52 42 32 22 12 2
庚 壬 癸 丁 丁 戊 己 庚 辛 壬
子 午 丑 未 未 申 酉 戌 亥 子
你為人好正義, 正直, 好幫朋友. 但你身邊既朋友基本上冇一個幫到你, 而且更經常破你財.
你好好彩 運情好夾你, 你可以話係一世好運, 由出世行運到51歲 經常有長輩幫到你解決問題, 即仲有大約10年, 做生意就把握埋喇. 到52歲開始就事事要小心, 之前咁多年來 長輩幫助既運程就冇喇, 你會發現問題好難解決. 因你命格中 有大問題出現時 是由長輩貴人幫助的 更不要旨意同輩朋友可以幫你解決 你命中同輩是破你財的.
至於做生意, 你命格既財係正財 你係要用自己既血汗換來既錢. 做生意既話唔係唔得, 但最好請最少既人, 自己落手落腳做. 因為之前講左, 你命格中 同輩係破你財, 所以最好自己做埋佢地果份, 信自己好過信佢地.
你運程中睇尼, 你過去10年 32歲開始, 地位有慢慢提昇, 今年明年流年為水年對你好有利. 你命中 金,水 都對你有利, 可以多d用金銀黑色. 其他咩數字或咩野 都唔重要.
總之最重要既係一件事, 唔好諗住做生意可以叫人做, 一定係要自己血汗錢.
2008-1-2 16:45
鋼之風水術師
有一位女性網友來信
"我係1968年6月13日（新曆）出生時間係寅時或卯時，。老實說，自懂性以來，我覺得我的命運都唔係好順...而且都唔係好開心的，因為我覺得總係好似好d時..梗係又會有事發生...無論親情、愛情、事業、金錢通通都係咁，所以我想請求師傅幫我算算命運...
問題︰
1) 有無辦法算到我的真正出生時間到底係寅時定卯時？
2) 我往後的日子係咪都係咁苦、咁煩惱咖？
3) 我有無機會轉好運呀？
4) 我條命水係咪好似相士所講...命硬、孤鷥命呀？
5) 我係咪會孤獨終老呀？係咪單身好過結婚呀？
希望師傅唔好厭我煩幫幫忙丫..如果我條命真係咁既話...亦希望師傅坦白講出黎。感激不盡！！"
先睇八字
時 日 月 年 運: 52 42 32 22 12 2
丙 甲 戊 戊 壬 癸 甲 乙 丙 丁
寅 寅 午 申 子 醜 寅 卯 辰 巳
既然你已經有了覺悟, 咁我如你所願 坦白d同你講, 但睇完唔好怪我直言, 你一定唔鍾意聽的 :sweat2:
日時專祿 身旺, 月令午火透於時 為食傷. 閣下八字火氣太旺.
先回答你第1條問題, 你係寅定卯時出世 在尼個八字中 分別唔係咁大, 想知你係寅定卯時都好簡單, 你自問一下你平時(例如:剛剛認識一位新朋友)多唔多主動找人傾計, 唔主動=寅時 主動=卯時.
但其實都淹蓋唔到你活躍好動既內心世界, 因"傷官星"主宰左你一生. "傷官星"代表你 活躍好動 聰明 轉數快, 你亦都因為日時專祿 你好有主見. 當加埋"傷官星"一齊, 你係好叻好聰明, 經常都有好好既主意/構想. 但你就係叻過龍 而凡事都要第一, 而且主見好強. 你身邊冇咩人可以幫到你, 平輩長輩上司都幫唔到你, 同埋你好難得到別人信任 更甚者 你可以因財失義. 相信你之前所找的師傅都係講差不多既野, 但講到話"命硬、孤寂命", 我就相信一定有得改. 所謂孤寂命, 係因為尼個八字既性格 凡事都要話事揸主意, 唔順佢意就嬲, 因此好難有真正知心朋友. 我唔知你性格會唔會表露出尼, 或你可唔可以控制到你脾氣. 如果你控制到你脾氣, 就唔會有孤寂命, 因為閣下姻緣都係咁而被沖走.
想改命, 心法如下, 尼套心法平時收開幾十萬, 今日免費送你 :hand2::
欲練神功, 必先搵幾個你最親近既朋友, 最好相識幾十年的, 然後定期問佢幾個問題, 起初隔星期問, 之後可以每月問, 問題如下:
a) 我脾氣係咪好大
b) 我會唔會成日都話晒事, 你地有冇成日就我
c) 我近日來有冇講過野令人唔開心, 甚至得罪人
神功有成, 姻緣自然來.
至於你財運, 你成世人都好平穩, 但唯一的升浪會係尼緊既2010-2019年, 把握到多少睇你喇, 其實之前都有一段財運, 係你12-21歲時, 但你仲好細 用唔到d財運, 至多係家庭環境好左d, 比多d你洗.
2008-1-5 16:23
鋼之風水術師
大家一齊睇睇尼位網友
"1982年7月17日 9:00-11:00am 男
事業:而家份工做咗大慨半年,,,唔知份工係咪適合自己..同埋想問我適合做什麼工作
愛情:而家無拍拖..幾時會出現真命天子
健康:下年健康會點..因為哩排身體好差
我好似未行過運..我想問我幾時會開始行運..因為本人十分運滯"
先睇睇八字
時 日 月 年 運 57 47 37 27 17 7
癸 辛 丁 壬 癸 壬 辛 庚 己 戊
巳 醜 未 戌 醜 子 亥 戌 酉 申
先講整體, 你一生大變動好多 特別是每逢龍年, 但又唔洗驚, 變動可以係 搬屋轉工轉校 當然都可以係病患入院結婚生仔.總之好難安定落尼. 因古時d人生活好平淡, 有任何變動都好大件事, 但現代證實其實冇咩野既. 你少年運係真係幾差, 37歲之後情況好好多, 可以用少年時辛苦得返尼既經驗/專業去搵錢 但都要好小心, 到時你好容易唔小心得罪人 惹上不必要的麻煩 一定要記住. 你因為少年時比較辛苦, 所以你亦比其他人克苦耐勞 心景隨和 容易相處, 所以命中一定好多貴人相助, 每逢有重大困難 貴人長輩必來解困. 你尼個命格晚年福氣會好好.
事業: 我唔知你而家做緊咩, 或你想做d咩. 但一樣必記既就係你一定要做d穩定收入 工作穩定的工作, 如果佣金收入的經紀行業 或 經常要有新主意的設計行業 就一定唔好.
愛情: 你其實命中妻宮不穩, 妻緣比較薄, 所以當你有任何姻緣都千萬不要輕易放開. 你08年你妻宮有動象 應該有個機會. 祝你好運:victory2:
至於健康 我都一定要睇到你真人先可以講, 因要睇埋面相.
2008-1-6 00:50
chily1
您好 老師,我岩岩pm左你,希望你收到,同埋..
希望你話我知,假如我努力,我會唔會成世都咁無用..
2008-1-7 01:48
鋼之風水術師
之前那男網友來信問我... ( )裹的是我的回覆
[quote]真係唔該囇...不過我仲有d問題想問
(1)我而家少年運係真係幾差, 要37歲之後情況好好多,咁37歲之前我有d乜野需要注意
(你要小心到時因得意而忘型 容易得罪人)
(2)少年時比較辛苦, 所以你亦比其他人克苦耐勞 心景隨和 容易相處, 所以命中一定好多貴人相助,你講得好啱,.我而家做文職..返工唔係好辛苦但係我而家放工又返學..所以好辛苦.但我由讀書到而家出嚟做野好多野都係自己攪,好少有人會主動幫我...我想問我將來做野同讀書都會有好多人幫我
(你命中一生幫你的係長輩, 有重大
困難先出尼幫, 平輩幫你唔到, 所以好多野都要靠自己嫁)
(3)事業: 我想問如果我想從事有關設計行業係咪唔太適合
(設計行業要經常有新主意出到尼, 老實講 以八字所睇你唔係尼種命格. 你表面上 同人相處時, 你會表現出好多計仔, 好多idea, 但你八字中內心命格偏向於 歷史 保守 宗教信仰重 對神秘事物深感興趣, 而保守同創新係唔同方向 你覺得會唔會咁? 但當然有例外, 八字只可以參考, 做咩工作都一定係做你讀書修果樣 或你有興趣的)
(4)愛情: 妻緣比較薄即係代表d乜.同埋如果我錯過咗哩次姻緣,,之後要到幾時先會再有..同埋八字睇唔睇倒幾時會結婚..同我有無機會發達..
(妻緣比較薄 即結成婚姻難度會比其他人大, 唔一定冇, 又唔一定唔好播, 因有d人跟本唔想結婚 =.= , 但總之難度會比較大啦, 只是給你一個參考意見, 真係好想好想結婚就唔好咁易放棄一段感情了. 其實現代睇相已經好難睇一個人幾時結婚, 因為以前的人冇話可以揀, 冇得拍拖, 等等. 現代拍一個拖=以前結婚喇. 所以我會話下一年有個機會比較大, 但其實年年都有機會, 冇咁大啫, 隨緣啦)
(至於發達, 睇你想要幾多播, 大富由天 你就微d喇老實講, 但小富由人 就睇你自己喇)
2008-1-7 16:43
鋼之風水術師
睇睇這男性網友的八字
生於1974年5月16日 早上7:00-9:00
時 日 月 年 運: 57 47 37 27 17 7
甲 丁 己 甲 乙 甲 癸 壬 辛 庚
辰 巳 巳 寅 亥 戌 酉 申 未 午
尼個八字, 日月羊刃, 八字過熱. 尼位朋友, 一定自主性強, 好勝心強, 做事手法一定好果斷. 命中你對長輩好多時有一種拒絕心態, 因為長輩好多時會反對你的意見; 你八字中平輩緣亦比較差, 即表示你能真心傾訴心事的人好少, 幫到你解決困難的人都好少.
有一個最大的問題, 就係你07,08年"是非星"好重, 一定要好小心. 加上"三刑" (07年更是四刑), 2001-2010年一定變動好大, 變動好大之前都講左唔一定係衰野, 但"是非星"好重 + "三刑" 多數都唔好, 一定要特別小心唔好得罪人. 其實你命中"是非星"都唔輕, 一生多是非, 一定要小心唔好容易得罪人, 因好多時你可能係無意, 但得罪左都唔知. 仲有你2000-2020年 金木都好重, "金木交戰"要小心金屬利器交通損傷, 最好就多d去捐血助人, 一來幫人二來應一應"金木交戰".
2008-1-10 10:10
brucelam
請大師們，我成１９歲仔，但係一次拖都未拍過，次次追女仔都係唔得．
到底我嫁因緣幾是先會出現，我今年有心移女仔，但係唔知點好
佢１９９０年０８月０５日
１９８８年０９月０５日男11:00-12:00，香港出生
麻煩幫一幫我
2008-1-13 11:41
鋼之風水術師
[quote]Originally posted by [i]brucelam[/i] at 2008-1-10 10:10 AM:
請大師們，我成１９歲仔，但係一次拖都未拍過，次次追女仔都係唔得．
到底我嫁因緣幾是先會出現，我今年有心移女仔，但係唔知點好
佢１９９０年０８月０５日
１９８８年０９月０５日男11:00-12:00，香港出生
... [/quote]
Sorry 呀 bruce, 咁遲回覆.
其實你所謂姻緣 係想拍拖o者, 唔係想結婚 係咪? 咁就易好多. 就睇番你邊年比較旺(囡囡緣)啦. 其實如果只係講拍拖, 年年都有機會, 如果講旺d既年份, 06,07年都應該ok播, 07年仲未過(未到農曆年), 把握埋尼個月, 出擊!!!!! 過左07年, 就10-11年都比較旺. 但真係唔洗理咁多, 一有對象就多d約人出去玩, 怕失敗就永遠追唔到.
尼個女仔, 內心中 好容易會把自己既未來男友幻想化, 簡單d講, 佢要求都幾高, 成日諗住男友係應該點樣好 點咁好. 追佢有d難度嫁...但又唔代表佢唔會拍拖既, 放鬆心情去馬
2008-1-16 20:51
鋼之風水術師
有位朋友想問下學業和愛情...
"愛情方面~我2007年12月頭和我拍了6年拖的女朋友分手...我想問問有機會再和她一起嗎? 如沒有機會..真正段姻緣大約又會在什麼候? 還有我的姻緣都好差嗎? 因身邊女性朋友不多
學業方面~現身在加拿大讀大學...但因自己對讀書興趣不大和學業都不太好~不太想浪費金錢和時間~所以唔知道點選擇應該留在外地讀書,還是回港工作? ..如果我真的選擇回香港工作...邊類工作比較適合我?"
男: 新曆1985年2月19日 早上6時出生
女: 新曆1985年11月15日 晚上22:45時出生
先睇八字
男: 女:
時 日 月 年 時 日 月 年
丁 己 戊 乙 癸 戊 丁 乙
卯 醜 寅 醜 亥 午 亥 醜
尼位朋友(下稱 P君), 我希望你可以叫埋你(前)女友(下稱 A小姐)一齊尼睇.
先講講你地姻緣, 我唔知你地點解分手, 係咪有好大理由一定要分手呢? 但我相信你地唔係打大交, 你地2個都有諗過再一齊 係咪? 咁點解你地2個唔傾下?
我就以八字尼睇, 你地2個其實都幾夾, 八字多生旺多合少沖(沖的只有1個丁癸) . P君性格會忠厚D, 有時都好硬頸, 要做話事果個, A小姐又好就得人, 咁你地2個唔係好夾咩? 反而P君你要多D就返A小姐轉頭TIM啦. 真係嫁, 你地2個再諗清楚D先啦, 人唔係有咁多個機會拍6年拖嫁, 仲有你地係咪咁SURE你地搵下一個一定好過而家先?
你地2個工作都唔洗咁擔心, 行既運都幾好, 仲好夾TIM, 2個都係而家到大約三十幾歲都OK, 然後停一停, 到四十幾再上過. 咁至於做邊行其實冇咩所謂, 我成日都講, 最重要係你熟行, 同埋你係讀果科就一定好D. 而P君 我覺得你會適合D唔洗SELL野, o係大機構一步步做上去. 而A小姐 我覺得做SALES都唔錯, 我雖然睇唔到你地, 但我感覺你地八字 我覺得A小姐衣著會光鮮D, 會唔會諗過做SALES呀? 但做咩都好, 如果你地可以讀書, 點都盡量讀書先, 如果你地係冇運行, 讀書對你地影響唔大; 但因為你地都有運行, 讀左既書會係你行運時幫你升得更快更高. 比個例子你, 然後自己諗啦.
一個博士同一個清潔工人, 冇運時人工都係一萬多D, 大家都係屈屈不得志 (咪笑呀, 我識得個做左幾十年博士既人, 收入都係咁多炸, 冇運係咁嫁喇), 但當有運時, 清潔工人變清潔工頭, 博士就……你諗下啦
老實講, 你地2個係我批過既八字裹面, 算係幾好又幾夾既一對. 好多人,就算住豪宅既夫妻,都冇你地咁好咁夾. 就咁分手我都覺有D可惜
2008-1-17 20:11
鋼之風水術師
"本人生日係1983-1-13 凌晨2-3時 男性
想問今年會有新姻緣嗎?"
先睇八字
時 日 月 年
己 辛 癸 壬
醜 醜 醜 戌
哈, 從印格....首先, 雖然過左幾日, 祝你生日快樂!!!! 另外 可否pm我你現在是做那一行業? 什麼職位? 雖然你問係姻緣, 都講講你會係2009-2018年有個大運, 好好把握!!
至於姻緣, 你08年妻宮有動象, 即機會比今年大d, 但你命格裹面一點妻星都冇, 姻緣一定少d. 但唔洗灰心, 你2009-2018年行大運時姻緣情況一定會有改善.
2008-1-20 14:44
鋼之風水術師
有位女性網友問我
"小女1990年3月2日上午10:00~10:30期間出世~
想問愛情,因為咁多年喜歡/愛的人都好似成日怕左我咁~
唔知几時先緣份到??
又會唔會,出現左但我唔知??
點樣先可以崔旺我O既戀愛運??"
先睇睇八字
時 日 月 年
癸 丙 戊 庚
巳 寅 寅 午
尼位朋友, 你八字中 夫星好弱 而且更被洩, 好容易你d男性朋友心裹會覺得同你一齊時會被你蓋住 地位低微 要低聲下氣咁 或要就晒你, 有冇d咁既情況發生? 咁但又問題不大, 因為你剛剛轉運, 未來20年 你大運中都旺番夫星, 一定有幫助. 08年都幾旺, 有好大機會.
但因為你本身夫星洩弱太過, 問題的根是在於你蓋過你夫星, 就算你因為有旺姻緣運 加流年幫助 助你找到男友, 你地關係都好難長久. 咁解決方法, 就係知道問題所在, 把自己放低d, 多d就下你身邊既人, 自然你會發覺你對象唔會怕左你啦.
祝早日找到如意郎君
2008-1-24 15:48
零狗妖妖
大師~已pm你~感謝^^
2008-1-26 20:14
鋼之風水術師
To 零狗妖妖:
既然已登出名字, 我就不便登出八字了. 零狗妖妖想問08年姻緣. 咁其實你仲好後生, 唔洗擔心太多, 機會仲有好多. 08,09年都有好大機會, 08年旺到妳結識異性, 當你有對象就主動d喇, 其實睇你性格都係識得採取主動既. 如果08年把握到 結識到男朋友, 09年夫宮有動象, 如果唔結婚或生仔 就有機會分手, 但當然都係要你08年把握到先啦. 如果09年覺得太快 決定唔結婚, 就要到2012年 好大機會果年結, 但09年要盡力保持關係喇.
2008-1-27 01:53
零狗妖妖
感謝大師~我會努力的~
2008-2-6 16:24
fannyii30
我pm了你
thanks
2008-2-9 14:40
鋼之風水術師
Fanny 你好恭喜發財!
Fanny 主要想問
1) 能否繼續進修
2) 未來事業運
3) 未來姻緣運, 和你那一位心儀對象有冇機會發展
先講講 你07年剛剛轉左運, 06年前你行緊讀書運. 所以你問到讀書, 其實我好讚成一定要讀多d書, 最好考到你的專業資格啦, 但因為讀書運過了, 讀書一定比之前辛苦好多, 冇咁順利. 就算係咁, 我都認為如果有機會繼續讀書, 都一定要讀, 因為你而家仲未行好運, 讀多d書對你行運時絕對有幫助.
07年你剛轉運, 未來10年 你會感到壓力很大, 事事不如意. 07年前 你有壓力 你都會撐住撐住, 自己去對抗它, 亦因為那時候仲讀緊書. 但07年後, 可能係因為你開始踏入社會, 面對既壓力就大好多, 你而家未必feel到, 但好快你會, 壓力會越來越大. 那時候你會開始怨天尤人, 但記住萬萬不可, 需知怨天尤人幫唔到你自己, 你就當係你入運前既試煉啦. 過左尼10年, 你有20年運, 但我又唔覺得你似係會做專業人士, 我覺得你到時會做管理層. 但當然 當管理層都需要好多專業知識, 所以一定要現在年輕時讀多d書.
至於姻緣, 你07年-26年 姻緣運都比之前旺, 所以唔洗擔心太多. 短期內 08,09年都幾旺, 好有機會結識到對象. 至於你丈夫, 我覺得會係比你大7年以上, 比較成熟的那種. 所以我覺得你真命天子未出現. 但拍下拖又冇咩所謂既, 有心儀對象咪多d約人啦.
祝你幸福!
[ Last edited by 鋼之風水術師 on 2008-2-11 at 07:49 PM ]
2008-2-10 12:24
洛文(T_T)
我要發達
2008-2-11 19:54
鋼之風水術師
[quote]Originally posted by [i]洛文(T_T)[/i] at 2008-2-10 12:24 PM:
我要發達 [/quote]
你就快發喇
2008-2-12 23:16
三代目
師傅 我pm了給你,希望你能幫我算算,謝謝!!!