請周中拍片聲名大噪 飲食網站飯飯通 老闆賤招拖糧

[youtube]BdK8k3CMNAk[/youtube]


[img]http://static.apple.nextmedia.com/images/apple-photos/apple/20121029/large/29la3p2.jpg[/img]
[size=2]約十名飯飯通員工遭老闆拖糧，劈炮兼集體大控訴。龍宇略攝[/size]

【蘋果報訊】「有汗出！冇糧出！」一個近期冒起的飲食網站「GOOD SHOW飯飯通」，因請到名廚周中坐鎮而聲名大噪，但開網才一年多，老闆被指出盡辦法拖糧，連勞工處的欠薪紀錄亦檔案纍纍。日前約十名員工集體向《蘋果》投訴，大爆老闆欠薪賤招。記者：陳偉雄　黃學潤

[img]http://static.apple.nextmedia.com/images/apple-photos/apple/20121029/large/29la3p5q.jpg[/img]
[size=2]名廚周中不認同林啟榮的拖糧行為。[/size]

「冇糧出又冇福利，係人都冇心機做啦！」「GOOD SHOW飯飯通」網站員工炮轟老闆林啟榮刻意拖欠薪金。該飲食網站去年初成立，專門替食肆拍短片放上網賺取廣告費。由於請來名廚周中師傅坐鎮，又以高清畫質作噱頭，很快打響名堂。

[img]http://static.apple.nextmedia.com/images/apple-photos/apple/20121029/large/29la3p3q.jpg[/img]
[size=2]老闆林啟榮直言：「勞工處判我輸咪畀（薪金）囉！」[/size]

「佢（老闆）會用不同藉口拖糧，一時話唔得閒，一時話未收到數冇錢，有時甚至玩失蹤。明知佢違法，但員工為保飯碗只有啞忍」。員工Jimmy表示公司原定在每月1號發薪，但多數拖糧超過7日。其他拖糧賤招還包括只用支票或現金出糧，不用公司戶口過數，避免顯露僱傭關係；但收到支票亦未必收到錢，Jimmy稱：「佢經常開期票，話過兩星期先過到數，但到期一樣收唔到錢，追佢都唔畀。」

[img]http://static.apple.nextmedia.com/images/apple-photos/apple/20121029/large/29la3p4q.jpg[/img]
[size=2]林啟榮稱與Chloe是「合作夥伴」，不存在欠薪問題，但去年曾晉升她為主管。[/size]

該公司流失率亦高得驚人，一年多有近60人離職，亦有多人未夠一個月遭無理解僱，目前公司幾乎真空。受害人一般遭欠薪數千至一萬元，「大約有30人去過勞工處投訴佢，多數都追唔到，又或者只追到一部份」。


[b][size=4]營業員無簽僱傭合約[/size][/b]
任營業員的Chloe，底薪6,000元另加佣金，但入職後一直未有簽僱傭合約。去年7月老闆要求簽署代理商合約，底薪變成津貼，她無奈簽約：「我唔簽就要走，冇得揀。」Chloe今年6月離職，被拖欠2,000多元津貼和佣金，向勞工處投訴，老闆稱大家是「合作夥伴」，不存在欠薪問題，「咁佢又升我職，又規定我返工放工時間，請病假要通知佢，我根本就係僱員」。

[img]http://static.apple.nextmedia.com/images/apple-photos/apple/20121029/large/29la3p1q.jpg[/img]
[size=2]GOOD SHOW飯飯通專門替食肆拍網上短片賺取廣告費。互聯網[/size]

今年4月離職的陳小姐亦被拖欠1,300元佣金，支票亦遭彈票，「佢話開錯票，開過另一張畀我，但一直冇件事。其實佢仲欠我1,500元訪問費……」。日前Chloe向老闆追討欠薪，但他堅持雙方不是僱傭關係，「勞工處判我輸咪畀囉！」記者表露身份要求訪問，林說勞工處正處理事件，不便評論，但兩日後卻突然「轉軚」，經勞工處轉交支票給Chloe。勞工處證實，曾接獲牽涉該公司的申索個案，但拒透露數字，並強調是否僱傭關係，要視乎事實而非名稱。而根據案例，蓄意逃避責任的僱主，絕大部份均敗訴。


來源:  [url]http://hk.apple.nextmedia.com/news/art/20121029/18051610[/url]